Orat Ki Kamzori In Urdu

                           Orat Ki Kamzori In Urdu

Importance of Gold In Women's Life

Gold is shiny, elegant and too much expensive metal. It is use everyday in life. It is use for marriage. Gold occupies a special place in human mind. Gold has use to symbolize power and purity of beauty. Gold as a jewellery is tradition. In this page you will read a article woman’s weakness gold ( gold aurat ki kamzori) in Urdu and Roman Hindi.

Gold Aurat Ki Kamzori

Sona Mehnga Hone Ke Baad Bhi No.1

Aurat ki kamzori kya hai? ye to sab hi jante hain ke gold aurat ki kamzori hai. Gold aurat ki kamzori apni jagah, magar yeh haqiqat hai ke gold rates barabar barh rahi hai aur aalmi satah par is ki qeemat mein record izafa ho chuka hai. Agarcha qeematon mein izafa hamare haan aam baat hai.
Haqiqat yeh hai ke rasm-o-riwaj aur numaiysh-o-namood ke shikanje mein jakrhe huye zindagi ke tamam shobon se talluq rakhne wali khuwateen shadi biyah ke mawaqey par apni bisat se barh kar gold ke zewraat khareedne aur is ki zebaiysh ke sath sath apni shan-o-shaukat aur imarat ki dhaak bithana chahti hain. Namood-o-numaiysh ka yeh izhaar sirf gold ke zewraat tak mehdood nahi hota, bal ke jehaz se lekar anwaa-o-iqsaam ke khano, aatish bazi, lighting, movie tak ja pohanchta hai. Jis se safed posh khandanon ki mushkilaat mein izafa hota hai.

Chand roz qabal hum ne Hydri Market mein aik shop par do tabqey ki khuwateen ko dekha, jo aik 20, 22 sala larhki ko mukhtalif qisam ke zewraat pehna kar aaiynon mein mukhtalif zawiyon se jaiyza le rahin thi. Yaqeenan shadi ke liye zewraat pasand kiye ja rahe the aur larhki ke chehre aur pasand ke mutabiq zewraat ka intekhab kiya ja raha tha. Aik khatoon jawan ke sath thin magar bazahir bezaar nazar aa rahin thi. Main ne unhe mukhtib kiya to wo be dili se muskura di aur boli main to larhki ki Maa ke sath aai hoon. Jo meri cousin hai aur us ki beti ki chand din bad shadi hone wali hai. Main in ke sath design pasand karne aai hoon.

Gold ki qeematen to aasmaan se baten kar rahi hain aur mujhe sun sun kar tension ho rahi hai. Larki ke walid Saudi Arabia mein hain, khoob paisa bhijwa rahi hain. Magar hum dono Miyan Biwi yahan mulazmat karne ke bawajood apni Betiyon ko zewraat nahi dila sakte. Sirf aik beti ke liye gold ka ek halka phulka sa set, do choriyan, chain ya tops banwaen hain to lakhon rupey kharch ho gaye honge, qadre tawaqquf ke bad khatoon ne phir kaha ke mehngai ke roz afzon izafey ne jahan zindagi ki roz marra zarooriyat ke husool ne mushkilaat ko barha diya hai, wahin ghareeb khandan ke liye beti ki shadi mazeed masla ban gai hai. Taleem dilwa den to jehaz ke liye paise nahi bachte, jis se unki umren nikal jati hain. Is dauran khatoon ki cousin ne unhe mukhatib kiya to wo udhar mutawajjah ho gaye jahan ameer baap ki beti zewraat pasand kar chuki thin aur Maa dukandaar ke sath peycheeda hisab kitab mein in khatoon ko shamil karna chah rahi thi, jin ka zehan apne he masaiyl mein uljha huwa tha.

Gold ke zewraat ki khareedari shadi biyah ki khareedari ka aeham juz tasawwur kiya jata hai aur sirf mutawassit tabqa he nahi ghareeb halqe mein bhi gold ke zewraat ko status symbol samjha jata hai. Bal ke is ke wazan se larki ki qadardani ka bhi andaza kiya jata hai. Waldain bhi jehaz aur dosre lawazmaat ke sath beti ko gold se ziyada se ziyada zewraat dene ki koshish karte hain. Ta ke us ki susral aur aehl-e-duniya ki nazar mein un ki naak unchi rahe, khuwa is ke awaz wo lakhon ke maqrooz he kyun na ho jaen.

Shadi biyah aur is se mutalliqa taqreebat mein sirf dulhan he ke liye zewraat ki aehmiyat nahi hoti hai, bal ke shadi mein shareek har aurat khuwa us ka talluq kisi umar ya kisi tabqe se ho, gold ke zewraat ka istemaal zaroor karti hain iss liye ke gold aurat ki kamzori hai. Bal ke aese mauqey par to aurtain naam-o-namood ke liye bhari zewraat banwati hain aur pehle se banwae gae zewraat ko bhi shadi ki un taqreebat mein badal kar pehanti hain ta ke azeez-o-aqarib par apni dhaak bitha saken.

Aik aam andaze ke mutabiq ammer khandanon mein zewraat bajat 25 se 30 lakh rupey se bhi barh jata hai. Jab ke kam aamdani wale gharanon mein kam az kam 80se 1 lakh ki maliyat ke zewraat khareede jate hain. Aehl-e-ilm ka to yeh kehna hai ke aurat ka asal zewar sharm-o-haya aur taleem hai, magar in zewraat ke sath sath khuwateen ne gold, silver and diamond pearl ke barhe zewraat mein bhi kashish mehsoos ki hai aur haya ki tarha in ko apni shakhsiyat ka aeham hissa samjha hai. Duniya bhar ki auratain herat angez taur par zewraat mein ziyada dilchaspi leti hain, albatta maghrabi khuwateen ke zewraat halke phulke hote hain.

Gold taqreeban har aurat ki kamzori hai, is ki khobsurti aur dilkashi ko nazar andaaz karna mumkin nahi, gold par jab roshni parhti hai to is se ek makhsoos qisam ke sonehri rang ki aankhon ko chundhiya dene wali roshni uthti hai jo khuwateen ke dil mein ja kar utar jati hai aur wo is ke tilesim ki aseer ho jati hain. Pehle zamane mein lig apni beti ya bahu ko ziyada se ziyada gold is liye dete the, ta ke wo aaiynda zindagi mein in ke kaam aa sake, ye husool itna mushkil bhi na tha ke us waqt gold chand sau rupey tola tha, magar aaj ke daur mein jab kitchen ka kharch he bamushkil pora hota ho, to kae hazar rupey tola gold khareedna bohat mushkil hai, magar taajjub hai ke is qadardani ke bawajood bhi hamari khuwateen gold khareedne ke liye sargira’an hain.

Shahrukh Khan Interview In Urdu

                       Shahrukh Khan Interview In Urdu
                                     Shahrukh Khan

 Shahrukh Khan was born on 2 November 1965 in New Delhi India. He is 47 years old. Shahrukh Khan is an Indian actor who is working in Bollywood film industry. He is also known as SRK and King Khan. Shahrukh Khan married with Gauri Chibber and he has one Daughter Suhana Khan and two Sons Aryan Khan and Abram Khan. Shahrukh has an elder Sister Shehnaz. His wife is Hindu and Shahrukh Khan believes in Islam strongly, but he respects both religions. Shahrukh started his career from theatre in 1980 and then he made his film debut Deewana in 1992. He is also the owner of Indian Premier League Cricket team Kolkata Night Riders.

Shahrukh Khan worked as a Television presenter in the Game show Kaun Banega Crorepati in 2007. His new film is “Chennai Express” with Deepika Padukone released on Eid ul Fitr. It is action movie. His upcoming film is Happy New Year, directed by Farah Khan. It will be release on 2014. There is a long list of Shahrukh Khan’s hit films. Not only in acting but also he successful in advertisement and in production . Here we are presenting you an interview with Shahrukh Khan. Let us see what he is saying about his new film "Chennai Express" and what Shahrukh’s planes about his life. Shahrukh Khan Interview In Urdu and Roman Hindi.

Shahrukh Khan Interview In Urdu

Taj e Bartaniya ke bare mein mashor tha ke is ke saltanat ka suraj kabhi ghurob nahi hota. Kich aesa hi mamla Bollywood ke King Khan ka bhi hai jis ki shorat ka suraj aaj bhi aab o tab ke sath pori duniya ko munawer keye hoye hai. Kamyabiyon ka aik tawel silsila is ke sath sath chal raha hai. Aik taraf films super hit ho rahi hain aur dosri taraf IPL mein is ki team ki karkrdagi par shaiqeen ki nazarein markoz rehti hain.

Shahrukh Khan ishteharat (Advertisement) ki nagri ka betaj badshah hai aur arab pati kharab pati apne ghar ki shadiyon mein Shahrukh ka dance dekhne ke mutamani hote hain. Shahrukh Khan ki nazar mein ye sab us ki rozi roti hai lekin film mein wo peson ke liye nahi balke apne jazbe ki taskeen ke liye kaam nkarta hai. Shyad bohat kam log is falsafe ko samajh sakein lekin Shahrukh Khan ke nazdek yehi sab kuch us ke leye aham hai. Us ki ghuzishta releasefilm “Jab tak hai jan” super hit sabit hoi the aur ab Eid ul Fitar par aik aur dhamaka khez film "Chennai Express" release hoi hai jis se industry aur tread ke logon ko bari umeedein wabasta hain. Isi silsile mein Shahrukh Khan se aik interview kiya gaya jo pesh e nazar hai.

Shahrukh Khan Interview

Question: Chennai Express ko tumhara dream project kaha jaraha hai, kiya tum bhi yehi samajhte ho?

Shahrukh Khan: Mere liye har film hi dream project hoti hai chahe wo zati production ho ye dosre makers ki koi film. Pori mehnat aur imandari se apna kaam karta huin. Jis kaam ke leye pese leye hain us mein beimani kese kar sakta huin.rizq e halal par mera iman hai aur marte dam tak is par amal karta rahun ga.

Question: Director Rohit Shethi samet sab hi logon ne is film se bohat ziyadh tawaqoat wabasta kar lein hain aur is ke block buster hone ki pesh goyi ki ja rahi hai. Tum is bare mein kitne pur umeed ho?

Shahrukh Khan: Ye baat to te hai ke agar Chennai Express fail hoi to Rohit Shethi ki nahi balke Shahrukh Khan ki nakami ho gi. Wo to bari asani se keh sakta hai ke us ne dosre logon ke sath kai hit films bana lein hain lekin Shahrukh Khan ne nakam bana deya. Mujhe is film mein kaam kar ke khushi hai aue samajhta huin ke wo bhi mere sath kaam kar ke khush howa ho ga. Wo janta hai ke main is film mein nai baat le kar aon ga. Main khud bhi kafi arsa se aik comedy film ke bare mein soch raha tha. Mujhe yaqeen hai ke Dipeeka Padokon ne bhi is film mein acha kaam kiya hai.

Question: Tum ne hamesah mashhor film directors ya apne doston ke sath kaam kiya hai. Ye batao ke naye film makers tum tak rasai kis tarah hasil kar sakte hain?

Shahrukh Khan: Main ne apnea p ko kaam ke zarye sabit kiya hai tabhi Yesh Chopra aur bare banners ki nazar mein asaka lehazah naye directors ko bhi esa hi karna chahiye. Sawal ye nahi ke wo hit films banate hain balke mere leye ziyadah ahem ye hai ke wo kis tarah films banate hain. Kundan Shah ke sath kaam karne ka khayal le kar Mumbai aya tha aur us mein kamyab ho gaya. 6 saal tak mehnat se kaam kiya aur us ke bad Subhash Ghai ne phone kar ke mujhe bolaya, Three Idiot aur Munna Bhai ki bhi offer hoi lekin kisi wajha se main ye films na kar saka, isi tarah Anurag Baso mujhe No smoking mein cast karna chah rahe the lekin date problem ki wajah se mujhe mazrat karni pari.

Question: Kiya ye sach hai ke Rakesh Om Parkash Mehra ne tumhe “Bhag Malkha Bhag” mein kaam karne ki offer ki thi?

Shahrukh Khan: Ji han unhon ne mujhe is film mein kaam karne ki pesh kash ki thi, kash main ye film kar sakta. Malkha Singh humare mulk ke namwar Athlete hain,is ke bare mein bohat kuch janta huin lekin ye film mere leye nahi thi. Acha howa ke is mein kaam nahi kiya warna is film ka impact khayam ho jata. Mujhe kushi hai ke Farhan Akhtar ne Bhag Malkha Bagh mein kaam kiya. Aesi film ke leye bohat ziyadah kholos aur waqt darker hota hai. Farhan Akhtar jismani tor par bhi Malkha Singh jesa lagta hai.

Question: Tum ne ab tak jitni films ki hain un mein se sab se ziyadah konsi pasand hai?

Shahrukh Khan: Sab se ziyadah Don, My name is Khan aur Chak de mein apni performance achi lagi.

Question: Kiya tum ne Chennai Express ki shooting ke doran tamil zaban ke kuch alfaz sekhe?

Shahrukh Khan: Ji han wilan ne kuch kaha to main ne bhi josh mein akar tamil mein mukalma bool deya, ye bilkul riwayati punch dialog jesa tha. Is se phele jab Hai Ram mein Amjad Ali Khan ka roll paly kar raha tha to mujhe tamil ki aik line bolna thi, is ke leye main ne 43 retake karwaein,kaml ne kaha jitna waqat chiye le lo lekin dialog ki adaigi perfect honi chahiye. Sirf mere, Dipeeka aur Niketan ke elwa Chennai Express ke set par 99 fisad log tamil bolte the. Is leye kabhi kabhi un se baat karne mein dushwari hoti thi lekim behar haal ye aik khushgawar tajurba tha.

Question: Aik ghalat propaganda kiya ja raha hai ke tum ne is film mein tamil boolne walon ka mazak uraya hai?

Shahrukh Khan: Ye bohat afsosnak baat hai ke log aesa soch rahe hain agar aap logon ke kuch logon ke sath taluqat ache hain to un se mazaq kiya ja sakta hai, mere bache bhi ye baat jante hain ke main adha South Indian hun, mery maa Haiderabadi aur walid Peshawar ke rehne wale the. Is industry mein 22 saal nahi guzra sakta tha agar logon ka mazaq urane ke irade se films banata.

Question: Aaj kal log porani ye South Indian films ka remake banana dilchspi le rahe hain, tum abhi tak is janib mutawajah nahi hoye?

Shahrukh Khan: Main samejhta hon ke South Indian Cinema Bollywood ko lead kar raha hai aur waha ki kai kahaniyon ko yaha dhoraya ja raha hai, agar ap mujh se pochein ke main kis film ke remake ka hisa bana chaun ga to mera jawab ho ga ke Kamal ki “Apu Raja” aur Rajni Kant ki “Robot”. Main remake banana walon ki bohat izzat karta hun lekin mere khayal mein unhen original films ke script lekhne ki koshish karne chahiye. Alsar logon se kheta hun ke wo naya script den, us par film banon ga.

Question: Chaiya Chaiya ke gane ke bad train ke sath tumhari chemistry kafi mazbot ho gayi is ki koi khas wajah?

Shahrukh Khan: Mera taluq aik middle class family se hai jo hamesh train mein safar karti thi aur mujhe bhi wo din bohat yaad aate hain. Chaiya Chaiya mere dil se bohat qarib tha aur hum log Chennai Express mein bhi aik train dance ke bare mein soch rahe the lekimain ne mana kar deya kyun ke janta tha ke ye Chaiya Chaiya hi ki naqal ho gi aur logon ko is mein koi nayi baat nazar nahi aye gi.

Question: Amitabh Bachan aur Anupm Kher ne Hollywood ka darwazah dekh leya hai, tumhar bhi aesa koi plane hai?

Shahrukh Khan: Mujhe Hollywood se ziyadah yahan mil raha hai. Kamyabi aur nakami sath sath chalti rehti hai lekin main yahan ke logon ka shukar guzar hun jinhon ne mujhe itni izzat aur muhabt di aur is position mein hun ke aaindah 20 saal tak films banata rahun. Mujhe Hollywood ke alawa Germany, Peru aur Morocco se bhi offers aeinhain lekin main sirf Indian film banane ko tarjhi donga.

Question: Tum kahan se inspiration lete ho?

Shahrukh Khan: Mera khayal hai ke jo kuch dekhta hun aur jo mujhe tajurbat hoye hain unhi se mutasir ho kar apni films mein porte karta hun. Yahan tak ke Chak De ka character bhi apne aik teacher se mutasir ho kar kiya.

Question: Kiya tum ne 50 saal ki umar ko pohanchne ke bad apni planning ki hai?

Shahrukh Khan: Main ne kabhi ye plane nahi kiya ke 20, 40 ya 50 saal ki umar ko pohanchne ke bad main kiya karon ga. 2013 main 47 ka ho raha hun lekin mere nazdik apni umar ke bare mein sochna mehaz aik himaqat hai. Us waqat bohat ghusa ata hai jab film ki shoting ke doran ye pocha jaye ke kiya main amarat se chalang laga sakta hun aur mera jawab hata hai ke kyun nahi. Meri nazar mein umar ki koi hasiyat nahi.

Question: Kiya tumhe apne carrier mein kabhi jid o jehad ka mun dekhna para?

Shahrukh Khan: Mumbai aur film industry hamesha se mujh par meharban rahi hai aur muhje apne carrier ke silsile mein koi jid o jehad nahi karna pari. Main industry ke logon ka shukarghuzar hun jinhon ne mujhe khole dil aur bazoon ke sath qabol kiya. Is lehaz se apnea p ko bohat khush qismat samajhta hun.

Question: Tun is waqat apne carrier ke urooj par ho, beshumar kamyab films ke elawa tumhari guzishta releas “Jab tak hai jan” super hit rahi aur ane wali film Chennai Express se bhi logon ko bari tawaqoat qabasta hain,tumhari team IPL jeet chuki aur ishteharat ki duniya par bhi tumhara raj hai ab kiya karna chate ho?

Shahrukh Khan: Bohat se log mujh se is tarah ke sawalat karte hain ke mujhe aur kiya chahiye. Agar main is ke jawab mein apni khuhishat ka izhar karon to is ka ye matlab ho ga ke in khuhahishat ki takmil ke bad mera safar khatam ho jana chahiye aur is baat ki kia guaranty hai ke main mazid koi khuahish bayan nahi karon ga. Mujhe zindagi mein sab kuch mil gaya dolat, shuhrat aur izzat. Usolan to mujhe retire ho jana chahiye tha lekin kiya aesa karna aqalmandi hoti. Main to un logon ko bhi bewaqof samajhta hun jo Tandulkar ki retirement ke bare mein fikar mand hain agar wo jazbe mein aakar waqat se pehle retire ho jata to 100 centuries ka ezaz kese hasil kar pata? Agar wo kheelta rahe to mumkin hai ke is tadad mein khatir khua izafa ho jaye. Hum usse 100 centuries tak kyun mehdod karna chahte hain. Mera taluq Dehli ke aik mutawasit tabqe se hai jab Mumbai aaya to meri jeeb mein sirf 1500 rupe the aur samajh raha tha ke 100,000 rupe kama lon to bohat bara admi ban jaon ga, phir jab kaam shuru kiya to malom hoa ke pese aur kaam ki koi sarhad nahi. Mera yaqeen hai ke zati kamyabiyon ke aage pesa koi ahmiyat nhai rakhta. Agar is pehlo ko zahan mein rakha jaye to main apne dees ka sab se bara sarmayadar hun, bazahir madi nuqta e nazar se aik star jesi zindagi ghuzar arha hun lekin main ne kabhi apni rooh ko nahi becha.

Question: Jab ye kehte ho ke rooh ko nahi becha to is se tumhara kiya matlab hota hai?

Shahrukh Khan: Main ne aaj tak koi aesa kaam nahi kiya jo nahi karna chahta tha.peson ke leye kabhi kisi film mein kaam nahi kiya, ye baat fakhariya nahi keh raha lekin main ne kabhi kisi se kaam nahi manga. Ye zaroor howa ke agar kisi producer ya director ki film achi lagi to usse mubarakbad ka phone kar dala lekin kabhi roll nahi manga.

Question: Kiya tum samajhte ho ke is mein koi borai hai?

Shahrukh Khan: Baat sahi ya ghalat ki nahi hai. Main ne nujawan adakaraon se bohat kuch sekha hai aur ye dekh kar kushi toi hai ke wo kis tarah apna carrier bana rahi hain. Hamesha apni heroines se bohat qareb raha hun lekin kabhi un se carrier ke bare mein ghuftughu nahi ki. Madhuri, Juhi aur Kajol apne apne raste par chalte rahe. Ye nahi keh sakta ke is se acha natija nikla ya bora albata aaj ki larkiyon ki bohat tarif karon ga ke unhon ne duniya mein hone wali tabdiliyon ko qabol kar leya hai. Haumare darmiyan kai martab is mozu par bahas hoi hai ke films mein kaam mangana sahi hai ya ghalat, agar main ne aesa nahi kiya to is ka ye matlab nahi ke is mein koi borai hai. Mera kehne ka matlab sirf ye tha ke peson ki khatir apnirooh aur jazbon konahi bech sakta jab ke dosri janib peson ke leye har wo istahar kar leta hun jis ki mujhe offer ho. Main ne apne manager se keh rakha tha ke kuch logon ke sath kisi qemat par bhi kaam nahi karon ga chahe wo mujhe kitni hi bari raqam ki offer kyun ka karein. Main ne kabhi aese logon ke sath kaam nahi kiya ji mujhe mumainna kar sakein. Lehaza sedhi se baat hai ke us shakhs film nahi kar sakta jo mujhe pasand nahi.

Question: kiya is rawaye ke sabab tum ne apnea p ko mehdod nahi kar leya?

Shahrukh Khan: Ji nahi kabhi films ko apni rozi roti ka zarya nahi samjha, mujhe shadi mein dance kar ke thekh thakh pese mil jate hain,is mein koi shram mehsos nahi hoti balke main ne to aik shadi mein dance karne ke bad mezban se yahan tak keh deya ke jab is jore ke han phela bacha ho to mujhe zaroor dance ke leye bolana. Ye mera job hai aur is ke leye main logon se khe sakta hun yehi sorat e haal isteharat ki bhi hai lekin ab films mein kaam karna mera job nahi raha. Ap ko job aur kaam mein faraq mehsos karna chahiye. Jis tarah main apne bachon ko kush karne ke leye kaam karta hun ya apni beti ko lekhne mein madad deta hun to ye kaam dil se hota hai isi tarah films mein bhi dil se kaam kiya jata hai ise mulazmat nahi samajhni chahiye.

Ben 10 Games 7 in 1 PC Game Full Version Free Download

Ajj mein app ke Ben 10 ki games le kar aaya hon..
System Requirments:Processor= 233MHz
RAM= 32MB
Graphics= 16MB
 DOWNLOAD NOW

  Salman Khan Interview In Urdu

  Salman Khan Interview In Roman Hindi

Salman Khan

Salman Khan was born on 27th December 1965 in Indore. He is 47 years old. Salman Khan is an Indian Film Actor, he is a Producer and Television Presenter. Salman Khan is also known as now Chulbul Pandey and Dabangg hero. He is very talented and all rounder Actor. Salman Khan is a very good Painter. In this page you will find Salman Khan Interview In Urdu and Roman Hindi. 

Salman Khan Interview

22 January ko Salman Khan checkup ke liye US chale gaey the. Muamla bohat nazuk tha, Salman Khan jis problem mein the, un ki talkeef ya to KHUDA janta hai ya khud Salman. Khabar ke mutabiq Back Bone ke paas jo Spinal Cord hoti hai, wahan problem thi, jise jancha ya operate karna mumkin nahi. Is liye medicine se he takleef door karne ki koshish ho rahi thi. Magar yeh sirf aisa masla tha jo sirf Salman Khan ka he nahi, bal ke is duniya mein kae aise insaan is problem ka shikar hain. Aur US mein is ka kafi behtar ilaaj ho jata hai.

11 August ko Salman Khan aik operation karwa chuke hain. Jis se kafi had tak Salman ka masla hal hua aur Salman is qabil ho sake ke tough shootings karwa saken.
Khan House ki taza peshkash Dabangg 2 ne aik ordinary bal ke kamzoor film hone ke ba wajood record breaking business kiya aur release ke dosre he hafte mein 150 crore ka target cho gae.
Question : Dabangg 2 ki kamiyabi ke bad kaha jar aha hai ke Salman Khan patthar ko cho len to wo bhi sona ban jae ?
Salman Khan : Are Baaap rey…….. aisa bilkul nahi magar jo sawal pocha hai aesi khuwahish kar sakta hoon ke kaash isi tarha ho jae ta ke script, direction, acting ke liye pareshan na hona parhe. Mere bhai hargiz nahi hai. Kamiyabi aur na kamiyabi oper wale ke hath mein hai. Magar bohat mehnat karta hoon. Mere sath director, cameraman, spot boys aur baqi sab bhi dil o jaan se kaam karte hain. Haan itna hai ke oper wala ziyada meharban hai aur fans bhi choti moti ghaltiyan nazar andaaz kar dete hain.
Question : Aaj aap ki films lagatar hits ho rahi hain, soorat e haal taqreeban wesi he hai jaisi aap ke career ke shuru mein thi ?
Salman Khan : Haan bilkul thek, main ne pyar kiya ke bad baaghi, qurban, sanam bewafa, sab hit hui thin. Kuch log kehte hain ke kamiyabi ki wajaha se mera dimagh kharab ho gaya hai. Agar aisa hona hota to maine pyar kiya, ke time se he mera dimagh kharab ho jata, jab sirf 22 saal ka tha. Is ke bad Hum aap ke hain kaun? Ne to sare records torh dale the, magar mera dimagh phir bhi apni jagah par he raha.
Question : Aik arsey tak aap apne filmi kirdar Prem ki wajah se mashoor rahe, magar ab chulbul pandey ne prem ko over shadow kar diya hai ?
Salman Khan: Is bech radhey bhi aata hai aur yeh aik aisa kirdar hai, jise kabhi bhi faramosh nahi kar paonga. Phir Tiger ko aap kaise nazar andaaz kar sakte hain ? asal baat yeh hai ke loog mujhe action roles mein he nahi, bal ke romantic aur comedy roles mein bhi dekhna chahte hain. Yeh director aur writer par munhasir hai ke kis tarha mera istemaal karte hai.
Question : Aap ka stardom aur supreme position, personal relationship par kis had tak asar andaaz hoti hai ?
Salman Khan : Bilkul nahi, apne rishtey ke logo mein wesa he hoon jaisa pehle tha. Sab mujhe Salman Khan ki tarha treat karte hain. Koi Radhey, Pandey ya chulbul nahi samajhta. Hum sab asli zindagi mein rehte hain aur jante hain ke film ki duniya asal duniya nahi. Behan Bhaiyyon ke liye agar main chulbul ya radhey ban jaonga to khud ko pagal samjhonga. Ab bhi Maa ki godh mein sir rakh ke sona pasand karta hoon aur jab meri Maa kehti hain ke bilkul bachey jaisa hoon to waqai bachon jaisi khushi mehsoos karta hoon.
Question : Aap ki Maa aap ki shadi ke liye bhi fikarmand hongi ?
Salman Khan : Sirf wohi….. ? are bai pora media, bal ke sara desh is baat ko le kar peetey chala ja raha hai. Meri shadi ka mujhe itna intezar nahi jitna media aur desh ko hai. 47 saal ka ho chukka hoon. Pata nahi shadi naseeb mein hai bhi ya nahi. Magar haan ab itna batane laga hoon ke 12 baras pehle shadi ke bohat qareeb tha, jab oper wale ko manzoor na ho to koi kya kar sakta hai. Meri shadi hote hote reh gait hi aur bas isse ziyada aur kuch nahi bataonga.
Question : 47 saal ka hero ! kya hindi cinema ke liye hero ki yeh umar ziyada nahi, naey aane wale ladkon se khatra mehsoos karte hain ya nahi ?
Salman : Khatra to hamesha mehsoos karna chahiye warna apne aap mein gum ho kar aap manzar se he ghayab ho jaenge. Umar nahi rukti aur isi tarha naey aane wale aate rahenge.
Question : Is umar mein aane ke bad kiya aap kuch miss kar rahe hain ?
Salman : Bohat kuch mila hai, talent to shayad bilkul bhi nahi, is liye saaf kahonga ke kuch bhi miss nahi kara raha. Bohat khush hoon ke aik taraf family members hain aur dosri taraf mukhlis fans ki bohat barhi tadad sath khari hai. Mujhe ba aasani qabool kiya ja raha hai. Bohat kam jaddujehad karni parhti hai. Is liye jo kuch naseeb se mil raha hai, khush dili se qabool kar raha hoon.
Question : 2014 mein aap industry mein apni silver jubilee pori kar lenge ?
Salman Khan: Thek hai paisa bohat kamaya, magar is industry aur kaam ne paise se hat kar bhi bohat kuch diya hai. Jo pyar mila hai anol hai. Films to aik Friday ko aati hain, hit ho ya flop waqt ke sath bhula di jati hain. Lekin logon ka jo pyar mil raha hai wo zindagi bhar sath rahega aur is baat ki qadr-o-qeemat naapi nahi ja sakti.

Salman Khan Interview No 2 In Urdu

The bollywood super stars Salman Khan was born on 27 December 1965. Salman Khan paternal grandfather was a Muslim from Afghanistan who came to India and settled in Madhya Pradesh. His mother is a Marathi Hindu. His stepmother is Helen (film actress). He has two brothers and two sisters. Khan finished his schooling through St. Stanislaus High School in Bandra, Mumbai.

Salman khan nay apni phali film say hi Bolliwood main tahalka macha dia tha.Un ki film “Main Nay Payar Kia” aik kamyab film sabit hui jis nay Salman Khan shohrat ki bulandeon par punhcha dia. Salman key walid aik film writer hain. Jinhon nay beshumar super star thakleeq kiey hain.Us key 2 bhai Arbaz aur Suhail hain, bhi mushoor actor aur film producer hain. SALMAN KHAN ke personal aur profeshion life itni bharpur aur hungamakhez hai ky us par aik kitab likhy ja sakty hai.US nay 1988 main aik dramay ‘Biwi ho Ho To Aisi’ main mukhtasar role play kiya aur 1989 main “Main Nay Payar Kiya” key zarye industry main dhuwandar intry de aur film fair ka best mail debut award jitnay main kamyab hogia. Us kay bad Salman nay pichay

mur kar nahi dekha! Umar key 46 baras main bhi woh phelay din ki tarah taro taza aur fit nazar aata hai aur apnay say adhy umar ke heroines ke sath bhi bare parday par romance lara raha hai. Profesional front par us ki kamyabi ka andaza aisay bai lagaya ja sakta hai k guzashta baras us ki aik nahi bulkay aik sath 3 films zabardast kamyabi say humkinar hui. Arbaz, aur sohail key sath tumhari talluqat kaise hain?

Hum aapas mein dost hain hala keh Sohail mujh se 5 saal chota hai lekin jawan hone key baad yeh farq khatam ho jata hai! Haqiqat to yeh hai keh daddy key doston se bhi hamari dosti hai aur daddy hamare doston se free hain.

Kia tum apne bahiyon ko koi mashwarah dete ho?

Nahi woh kafi samjhdar hain aur mujh se ziadah dunya key muamlat ko samjhte hain balkeh baaz auqaat to mujhe un se mashwarah lena parta hai!

3 hit filmon key sath is wqt tum tinon Khan mein aage nazar aarahe ho us par kia kaho ge?

Aisa kuch nahi hai mein nahi jatna keh film kis tarah kamyab hoti hai mujh se bhi ghaltiyan ho sakti hain, mein aisi filmein kar raha hon jo guzashtah filmon key moqable mein bari hain aur itna janta hon keh audience inhein fazool nahi qarar dein gay lehaza film mein jazbaat aur kahani ki bari ahmiyat hai!

Tumhare walid Saleem Khan ne kayi super star takhleeq kiye lekin tum un ki likhi huyi film key beghir hi super star ban gaye?

Saleem khan ne apne qalam se super star takhleeq kiye lekin inhon ne mujhe paida kia, mein un ki pehli aulad hon, is liye un keh takhleeq kardah stars se kahin aage hon, saleem khan ne sirf mujhe paida hi nahi kia balkeh haqiqi zindagi mein meri rahnumayi bhi ki is lehaza woh mere real producer aur director hain!

Apni nojawani key zamana mein walid ka likha hua koi carector karne ki khuahish huyi?

Mujhe bare corrector karne mein 20 sal lag gaye jab MEIN NE PYAR KIA, mein Prem ka role play kar raha tha to kabhi socha bhi na tha keh action filmein kar sakon ga mein ne ibtada mein aisi koshish ki thi lekin apne aap ko qail na kar saka mein ne police man aur wakeel key kirdar bhi kiye lekin koi tasSur qaim na kar saka, yahan tak keh mohalle key dada ka role karne key bhi qabil na tha lekin ab mein puri sachayi key sath is tarah key role play kar sakta hon, mujhe apne paristaron se muhabbat aur izzat hasil karne mein 20 saal lag gaye, ab mein un key aitmad key sahare aage barhna chahta hon!

Tumhari kamyabi ka raaz kia hai?

Mein kabhi bhi kisi wajah key be ghair film sign nahi karta is key liye mujhe apne aap ko iklaqi tor par qail karne parta hai, is lehaz se mein aur director aik hi level par sonchte hain! Aaj kal ki filmon mein ziadah se ziadah 5 gane hote hain jo buhat ache hone chahiye! Screen play, editing, adakari sab ki ahmiyat apni jagah hai lekin asal cheez subject hai jis se log relate kar sakein aap ko audience key drmiyan baith kar film key bare mein sonchna chahiye keh jab woh kahani aap ko sunayi jaye to aap us se kis tarah enjoy karein gay.

Woh kon sa scene hai jo tum kabhi nahi karo gay?

Mein ne ohad kar rakha hai keh parde par kisi larki ko kis nahi karon ga, kiun keh khawateen bhi filmein dekhne aati hain aur doosri baat yeh key keh mard aurat key taluqaat ki noiyat intehayi zati hoti hai, use dooosron key sath share nahi kia ja sakta !

Lagta hai keh tum kaam key muamle mein pehle se ziadah sanjidah ho gaye ho?

Hona parta hai, aap jante hain keh log kitna menhga ticket kareed kar film dekhne aate hain aur inhein hum se buhat si tawaquat hoti hain is liye hum inhein mayoos nahi kar sakte.

Tum adakari key elawa film key doosre shobon mein bhi involve hote ho?

Ji han kabhi kabhi koi mokalmah ya comedy jumlah zuban par na aaye to writer aur director ki raza mandi se use tabdeel kar deta hon, is key elawa woh jab dhune compose jari hon to us se bhi enjoy karta hon meri koshish hoti hai keh doosre key kaam mein dakhal andazi na karon lekin baaz auqaat film ki behtari key liye aisa karna parta hai albattah jab apni ya bhayi ki production ho to aazadana tor par masware deta hon, is waqt yeh dar nahi hota keh koi meri mudakhlat ka bura maan jaye ga.

Tuhari film aur us key script par cha jati hai, kia tumhein yeh khof nahi keh is tarah type cast hone key sath sath apne aap ko duhra rahe ho?

Meri har film mukhtalif hoti hai agar us mein meri shakhsiyat ka aks nazar aaye to kia kar sakta hon, lekin is ki bunyad bhi script hota hia! Veer ki kahani wanted se bilkul mukhtalif thi jabkeh wanted aur dabangg mein koi mamaslat nahi thi ! Body guard in tinon filmon se mukhtalif thi, isi tarah Ready mein bhi meri kisi doosri film ki mamaslta nazar nahi aati agar kuch log kehte hain keh mein puri film ko apne kandhon par le kar chalon to yeh bilkul ghalat hai. Dunya mein koi shaksh aisa nahi kar sakta baat sirf itni hai keh log mujhe aur meri filmon ko pasnd karte hain aur isi liye woh inhein dekhne key liye cinema hall ka rukh karte hain.

Tum mein aisi kia khas baat hai keh Katrina kaif tumhari dosti se mehroom hone key liye taiyar nahi?

Is liye keh mein us ka acha dost hon, is se ziadah aur kia keh sakta hon.

Tum kis wajah se apne aap ko is ka acha dost samajhte ho?

Kiun keh mein logon ko pasnd karta hon aur un key sath guzare huye waqt ki mujhe qadar hai hum pehle bhi dost the aur aisi koi wajah nahi keh ab dost na rah sakein agar mere aur us key beech koi maslah tha to mujhe so fisad yaqeen hai keh us mein meri hi ghalti hogi.

Tum shadi karne se kiun katra rahe ho, kia shadi par yaqeen nahi rakhte ya apne aap ko acha shohar nahi samajhte?

Shadi par mera pura yaqeen hai aur janta hon keh is ka aik waqt moqarrar hai lekin shayad abhi meri shadi ka waqt nahi aaya jab aisa hua to aap bhi mujhe apne bachon key sath khelta hua payein gay.

 

Aries Horoscope In Urdu || Burj Hamal In Urdu || Aries In Urdu || Aries Personality 

                        Aries (Burj Hamal) 

Aries ( Burj hamal) man is dynamic. Aries man is optimistic. Aries man is clever in certain areas. Aries man do handwork for gain his aim. Aries woman is very big hearted and minded person. Aries woman is very romantic, intelligent and hard worker. Aries woman will do everything herself. Aries woman has a strong love with loved one’s. Here we are showing you about Aries diseases, jobs, personality, man and woman, Aries comp ability with other zodiac sign in Urdu and Roman Hindi.

 

Burj Hamal In Urdu

Aries Diseases

Bukhar, Asabi kharabiyaan, nizam e hazam ki bimariyaan, alsar, shadid sir dard, dant ka dard aur kai mukhtalif qisim ki bemariyaan hoti hain.

Aries Jobs

Tijarat, Salesmanship, foji Mulazmat, Muhim joie, Surgery, Engineering, Making, Dental Surgeon jobs, Pesha war khildhi, Siasat, Tasneef-o-ta'leef Sahaafat, Taluqat-e Aama k tamam shobay.

Aries Personality In Urdu

Marlon Brando, Bimark, Charlie Chaplin, Joan Crawford, Dorsday, Robert Frost, Davis Frost, Deni Grifti Jimmay,Thams Jafersan, Nikita Khrushchev, Edmund muskie, Norman porter, Gregori pack, Pal Roben Sunny, Carol Raberts, Roberts Sales, Umer Sharif .

Aries Man In Urdu

Aries logon mein phurti aur quwat-e amal kot kot kar bhari hoti hai aur her haal mein zindagi basar karnay ka dhang jantay hain. Ye lakeer k faqeer nahi hotay. Her kaam saliqe se kartay hain. Apna maqsad hasil karnay ke liye pori lagan aur mehnat se kaam kartay hain. Burj hamal se taluq rakhne wale afraad mein musbat zehen walay afraad ko agar koye kaam karnay mein mushkil paish arahi ho to wo himmat aur tahammul se is per qaabo panay ki koshish kartay hain. Aur agar yehi mushkil manfi zehen walay afraad ko arahi ho to wo himmat aur tahammul k bajaye dil chor bethtay hain ya yun kehna chahiye k wo shikast tasleem kar letay hain. Wo kaam chor detay hain. Musbat aur manfi dono afraad mein aik baat mushtarka hai ke ye afraad apni tareef pasand kartay hain. In mein baaz bohat ziyada khushamad pasand hotay hain.

Aries Women In Urdu

Burj hamal (Aries) khawateen baray dil o dimagh ki maalik hoti hain aur romaan pasand bhi. Is burj ki khawateen bari zaheen aur mehanti hoti hein. Jaddo juhad aur koshish mein bara sukoon mehsoos karti hein. Aries khawateen ki aik eham khususiyat ye hai k sirf wo aik say muhabbat karti hein aur taa hayaat onhi ka dam bharti hein. Is burj ki khawateen ideal prast bhi hoti hein. Is k baayis baaz auqaat ye sadmay say bhi dochaar hoti hein.

Aries Life Partner

Aries Woman and Gemini Men

Aries aurat aur joza mard kamyaab jiven sathi sabit hotay hein. Dono baatoni hotay hein. Raat din baatoun mein masroof rehtay hein aur to ye hai ke sonay mein bhi bolnay say baaz nhi aatay. Dono mein takraar aur behas o mubahesa bhi hota rehta hai. Baaz auqaat dono mein ghalat fehmiyaan bhi paida hojati hein lekin zubaani had tak aur thori dair ke baad phir ye dono hansi khushi rehnay lagtay hein. Gharz Aries aurat aur joza mard aik dosray ke achay rafeeq-e zindagi saabit hotay hein.

Aries Woman and Cancer Men

Aries aourat ki taraf sartaan mard foran maayel hojata hai. Sartaan mard na sirf un k husn ki tareef karta hai un ki taazeem mein bhi koi kasar utha nhi rakhta wo apni pur mizaj baatoun say Aries aourat ko bohat hansata hai. Aur osay baawer karata hai k wo os say boht mutassir hai aur wo is baat ki kabhi parwa nhi karta k kisi moqay per kis baat mein pehal karni chahiye. Aries aurat mein aik baat hoti hai k ye kisi ka hukum nhi maanti balkay agar koi piyaar say ghalat kaam karnay ko kehay to foran raazi hojati hein.Sartaan mard ko bhi chahiye k wo Aries aourat say piyaar say baat kray. Is tarha dono ki zindagi misaali bun sakti hai. Warna !

Aries Woman and Leo Men

Burj hamal (Aries) aurat aur asad mard ki muhabbat agarchay pur josh aur ajeeb-o-ghareeb hoti hai taahum is mein baaz auqaat aik dosray k sard tarz-e amal k baayis jSazbaati talatum bhi barpaa hojata hai lekin jazbaati tufaan ka arsaa nihayat mukhtasir hota hai aur dono jald hi pur sukoon hojatay hein. Beher kaif asad mard aur Aries aourat aik dosray k achay jiven sathi saabit hotay hein.

Aries Woman and Scorpio Man

Burj hamal (Aries) aurat aur aqrab mard in dono ki izdiwaji zindagi nihayat kamyaab bhi hosakti hai aur be had nakaam sabhi aries aur aqrab dono baray taiz mizaaj k maalik hotay hein. Apni baat per adh janaa in ki aadat hoti hai. Dono ki apni koshish say ye rafaaqat kamyaab sabit osakti hai.

Other Stars In Urdu

Aries aurat aur qous mard acha jora saabit hota hai. Qous mard azaadi pasand hota hai aur Aries aurat bhi is nazarye ki haami hoti hai. Aries aurat aur mezaan mard ka jora kamyaab isi surat mein hosakta hai ke Aries aurat sabar o tahammul se kaam lay. Aries aurat aur hoot mard dono achay rafeeq hosaktay hein magar is surat mein k Aries aurat zindagi ko hoot mard ki ainak say dekhay.

Virgo Horoscope In Urdu || Sumbla Star In Urdu ||Virgo Star In Urdu || Virgo In Urdu || Virgo Personality

Virgo Horoscope In Urdu || Sumbla Star In Urdu ||Virgo Star In Urdu || Virgo In Urdu || Virgo Personality
                                                VIRGO

Virgo starts from 22 August until the end of 22 September. Virgo are strongly intelligent and be practical. They live successful in life. The positive Virgo has observant nature with strong power of organization. The negative Virgo examines others for their faults. It is base on reality. They are too smart and false promise in love. As a friend, Virgo is loyal and kind. Virgo takes his responsibilities to his family very seriously. Virgo is reserved in nature and it may take some time to build up confidence in your romantic affairs, but if Virgo were ever disappointed in love, you would not find it easy to get over it. In this page, you will find information about Virgo in Roman Urdu.

Burj Sumbla In Urdu

22 August - 22 September

Nishan Kunwari Dosheeza
Ansar Mitti
Hakim Saiyarah Atarod
Khush Bakhti ka adad 5
Mawafiq rang Banafshi, Dhani, Sabz, Asmani

Saad Patthar Pukhraj

Sumbla Afrad Aur Gharelo Zindagi

Agar hum logon kay khandani halat per nazar dalain to hamain baz aisay joray nazar aingay jo khud to khushi aur musarat ki zindagi guzar rahay hain lakin un kay taluqat apnay hi khandan kay dusray afrad sey kashida hain. Burj sumbla sey taluq rakhnay walay afrad jin mein mard aur khawatin dono shamil hain, amuman iss khususiat kay hamil hotay hain. Sunbla mian biwi apnay rishtadaron sey door rah ker zindagi guzartay hain aur inko iss tarah ziada itmenan hasil hota hai. Ristadaron sey woh bohot ghabratay hain, inkay sath unkay taluqat bilamoom kashida rahtay hain, isi leye woh apnay rishtadaron sey dur rehnay mein hi afiat samajhtay hain. Sumbla Burj sey taluq rakhnay walay mard aur khawateen baz auqat apnay door kay kisi rishtadar sey shadi kerlatay hain lakin ye rishata inhain ras nahi ata aur iss qisim kay bohot kam Sumbla mian biwi kamyab zindagi guzartay hain.

Virgo Afrad

Khandani zindagi sey motaliq aik Sumbla fard ka taso`uar bohot buland hota hai. Woh iss baat per yaqen rakhtay hain zindagi ka bojh mian biwi mil kar uthana chahiye. Ye aik aisi zimmeydari hai jisay sirf aik fard pura kar sakta hai na aysa karna durust hai. khandani zindagi sey mutaliq inka ye tasauar iss leye hai kay woh har mamlay ki tarah khandani mamlat ko bhi ghair jazbati andaz mein dakhtay hain aur har kam kay leye aqli jawaz zaruri samajh tay hain aqal ki yahi rahnumai in kay leye aetamad aur quwat ka sar chashma hoti hai. Isi ki wajah sey who na sazgar halat mein bhi zindagi guzarnay ka dhang sekh latay hain. Agar paisay ki kami hui to kifayat shuari say kam latay hain aur agar unki mushkil mehnat aur jadoo jahad sey dur hosaktay to woh aurjadoo jahad ko ba raza aur ragibat apna latay hain Sunblah mian biwi ye sari moshaqat aur taklef kisi shikway aur shikaiat kay bagai bardasht ker saktay hain ye sahi hai kay aidilast yani tasaur parast honay ki wajah sey inn logon ko kuch mushkilat paish ati hain lakin woh haqaiqat ko taslem karnay sey guraiz nahi kertay jab zarurat parti hai to iss kay motabiq khud ko dhal latay hain.

Virgo Personality In Urdu

                                   Virgo Ki Khususiyat

Sumbla (Virgo) afrad mein apnay ghar chalanay ki fitri salahiyat hoti hai. Virgo ki Personality inn logon mein nahin hotay jin ko phohar aur bad saliqa kaha jata hai Virgo kay ghar mein har chez saf suthri aur saleqay ki milay gi. Har chez tarteb sey apni jaga per rakhi hogi. Virgo apnay ghar per fakhar aur naz kertay hain aur chahtay hain kay agar koi mehman unkay ghar mein aiye to usay kio shikayat har giz nah ho. Maiz kursi sofay qaleen takhat gadday saf suthray hon. Palango per palang posh paray hon aur chadron mein kahein silwat nazar na aye. Agar cha phohar pun, bay tartebi aur gandagi Burj Sumblah say taluq rakhtay walon kay mezaj sey mail nahi khatein lakin woh ghar ko saf sutra aur dhang sey rakhnay kay leye jo taklif uthatay hain iss ki waja sey unkay asab mitasir honay lagtay hain. Har kaam ko bay nuqs aur bay aib bana nay ka khabt unko januni kafiyat mein mubtala ker data hai aur ye kafiyat khas tour per in khawatin per tari rahti hai. Jo biwi ya maan ki hasiyat sey ghar ki zimmadar hoti hain aur jin ko apnay shauharon aur bachchon ka tawun hasil nahi hota hai.

Ye kay woh iss mamlay mein un per atammad nahi kar saktein. Aisi khawatin jab dakhti hain kay woh iss maiyar ko jo unhain matlob hai barqarar nahin rakh saktin to phir unka radday amal ye hota hai kay woh ghar ki taraf sey bay parwa ho jati hain aur “bhar mein jaye ye safai suthrai” kah kar har chez sey ghafil ho jati hain, jis ka natija ye nikalta hai kay aik misali ghar phohar khana ban jata hai jahan safai hoti hai nah saliqah nah qarena unka ye raddye amal fitri hota hai aur unko sahat kay leye zaruri bhi hai kiyoon kay agar woh iss radday amal ka izhar na karain to un kay aasab jawab day saktay hain. Burj Sumbla sey taluq rakhnay walay afrad yaksaniyat sey bohot jald ghabra jatay hain, agar che woh apni rahaish gah ko badalnay ka khail pasand nahi kartay kiyoon kay usay dilkash bananay aur sajanay mein pehlay hi bohot waqt sarf kar chukay hotay hain lakin jab woh aik makan chor kar dosray makan mein muntaqil honay per majbur hatya hain to ye muntaqli un kay leye bari dilchusp sabit hoti hai. Woh bari khushi say apna boria bister samait nay mein masrof ho jatay hain. Har chez ko qaiday sey jama kar aur tah kar kay pack kartay hain aur jab dusray ghar pahoch jatay hain to hasb sabiq apnay naie ghar ko arastah kernay aur sajanay mein masruf ho jatay hain. who ye kam aisi dilchaspi sey kertay hain kay goia ye un kay leye bari tafreh hai.

Sunbla afrad ko agar che apnay ghar sey gahri dilchspi hoti hai lakin unkay leye zaruri hai kay woh kuch waqt ghar sey bahar sair o tafreh mein bhi guzarain. Aisi Sumbla aurat ko jo khaton e khana ho aur ghar hi mein iss ki sab say bari zimmay dari ho khas taour per iss baat ka khayal rakhna chahiye kay agar kabhi who khud ko udas aur bay kaif mahsos karay aur iss ki tabyat mein chir chira pen paida ho jaye to isay samajh layna chahye kay woh ghar kay kamon sey thak gai hai aur usay tafreh ki zarurat hai. Aisi khawatin kay leye behter hai kay woh har haftah kahein bahar chali jaya karain. Hamari khawatin kay leye rishtadaron aur saheliyon sey mulaqat bhi aik bari tafreh hai iss tarah unko apnay dil ki bharas nikalnay ka moqa bhi mil jata hai. Sumbla afrad ko jo fitri tour per hasas tabiyat kay malik hotay hain ye baat achchi tarah zahan nashein ker lani chahiye kay agar unhon nay khud ko band jagahon mein ziada arsa mahsor rakha jaye to jald hi bad mezaj aur chir chiray ban jayein gay aur dosron per baat baat ataraz aur tanqeed kernay lagain gain

Rang Gora Karne Ka Tarika In Urdu

           Rang Gora Karne Ka Tarika In Urdu

Har aurat ki khuwahish hoti hai keh is ka rung gora ho waise to har qisam ki rungat par make up ho jata hai aur agar dhang se kia jaya to kali jild bilkul saaf-o-shaffaf nazar aati hai. Aaj aap ko rung gora karne ke chand tareeqe batate hain jin se aap zarur faidah uthayain.

1-Milk mein badam pees kar malne se jild(skin) ki rungut saaf ho jati hai.

2-Pani mein lemon ka aurq aur namak mila kar ghusal (bath) karne se jild ka rung nikhar jata hai.  
 

3-Kaghzi lemon ke tukre jin mein rus nichor lia gia ho chehre(face) par malein zarur faidah hoga.

4-Milk mein jo aur gehon ka aata mila kar ubtan banaiye aur phir ise apne chehre par malye chand dinon mein hi farq mehsus ho ga.

5-Tazah garam doodh se munh done se bhi rungat saaf ho jata hai.

6-Thori si balayi mein chand qatre lemon ke daal kar chehre par malein jild hi asrat zahir ho.

7-Akhrot ke tail mein karwe badam pees kar badan par malne se jild saaf ho jati hai.

8-Do chamcha doodh mein aik chamcha pisa namak milayain aur ise sone ke waqt chere par malein. Subha thande pani se dho lein aap dekhein gi keh aap ke chehre par chamak aaye gi.

9-Glasreen mein lemon ka rus mila kar rakh lein. Har raat monh dho kar lemon mile glasreen ki monh par malish karein. Is se chehre nam ho ta hai rung nikharta hai chere ki rungut nikharne ke liye yeh aik behtareen lotion hai. chehre ki rungut nikharne ke liye jadu ka asar rakhta hian.

10-Chehre par lemon ke chilke ko pees kar arq-e-ghulab mein mila kar chehre par malne se chehre ki rung saaf hota hai. mahase chaiyan aur phunsiyan waghaira bhi chehre par hon to is ke malne se faida hota hai.